Bu gün və sabah daha 5 Azərbaycan cüdoçusu mundialda mübarizəyə qoşulacaq - FOTO

Bakı. 1 sentyabr. REPORT.AZ/ Macarıstanın paytaxtı Budapeşt şəhərində keçirilən cüdo üzrə dünya çempionatı davam edir.

"Report" xəbər verir ki, Azərbaycan cüdoçuları mötəbər yarışda yüksək əzmkarlıq nümayiş etdirərək 2 medal qazanıblar.

Orxan Səfərov və Rüstəm Orucov dünya çempionatında gümüş medala sahib olub.

Azərbaycan Cüdo Federasiyasının prezidenti Rövnəq Abdullayev Budapeştdə cüdoçularımızın iştirakı ilə keçirilən görüşləri canlı izləyib. Sentyabrın 1 və 2-də daha 5 təmsilçimiz dünya çempionatında medallar uğrunda mübarizə aparacaq.