Yuxarı
    Bağlamaq

    Bu il Azərbaycan idmançılarından 435 dopinq-test götürüləcək

    Azərbaycan Milli Antidopinq Agentliyinin icraçı direktoru Şəfəq Hüseynli mətbuat konfransı keçirib

    Bakı. 23 fevral. REPORT.AZ/ Yeni yaradılan Azərbaycan Milli Antidopinq Agentliyinin (AMADA) icraçı direktoru Şəfəq Hüseynli bu gün Milli Olimpiya Komitəsində mətbuat konfransı keçirib.

    "Report"un məlumatına görə, tədbirdə Ş.Hüseynli Ümumdünya Antidopinq Agentliyinin fevralın 17-də Azərbaycanı antidopinq standartlarına uyğun olmayan ölkələr siyahısından çıxardıqdan sonra jurnalistlərlə görüşə qərar verdiklərini bildirib.

    O, iki ay yarım ərzində antidopinq kodeksinin hazırlandığını açıqlayıb. Ş.Hüseynli Azərbaycanın antidopinq sarıdan nümunəvi ölkələr siyahısına daxil olacağını söyləyib: "Bunun üçün hər cür şərait var. Fəaliyyətimizi idmançıları dopinq testindən keçirmək, onları və məşqçiləri təlimatlandırmaq, nəticələrin emalı, beynəlxalq əlaqələrin qurulması kimi istiqamətlərdə quracağıq. Əsas məsələ idmançını yarış zamanı və ya başqa yerlərdə dopinq-testindən keçirmək deyil, idmanın saflığını, idmançılarımızın hüquqlarını qorumaqdır".

    Ş.Hüseynlinin sözlərinə görə, 2017-ci ildə Azərbaycan idmançılarından 435 dopinq testin keçirilməsi nəzərdə tutulub. O, IV İslam Həmrəyliyi Oyunlarında 18 nümayəndənin iştirak edəcəyini bildirib. İcraçı direktor bu yaxınlarda iNADO (Milli Antidopinq Təşkilatları İnstitutu) adlı beynəlxalq quruma 64-cü ölkə kimi üzv olduqlarını da vurğulayıb.

    O, 2016-cı il dekabrın 29-da imzalanmış sərəncam əsasında fəaliyyətə başladıqlarını bildirib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi