Yuxarı
    Bağlamaq

    Brüssel terrorçusunun qardaşı taekvondo üzrə Avropa çempionu olub

    Kiçik Laakrui Belçikanı Olimpiya Oyunlarında təmsil edəcək

    Bakı. 21 May. REPORT.AZ/ Brüssel terrorçu-kamikadzelərindən biri olan Nacim Laakruinin kiçik qardaşı Murad mayın 19-da 54 kq. çəki dərəcəsində taekvondo üzrə Avropa çempionatının qalibi olub.

    “Report” xəbər verir ki, bu barədə Avropa Taekvondo İttifaqının məlumatında bildirilir.

    Kiçik Laakrui finalda “Bakı-2015” Avropa Oyunlarının gümüş mükafatçısı və Azərbaycanda keçirilən 2014-cü il Avropa çempionatının 3-cüsü 18 yaşlı Xesus Tortosu məğlub edib.

    Laakrui Belçikanı Rio-de-Janeyroda keçiriləcək Yay Olimpiya Oyunlarında təmsil edəcək.

    “The Washinghton Post”un məlumatına görə, o lisenziyanı ötən il qazanıb.

    Martın 22-də Brüsselin Zaventem hava limanında iki partlayış baş verib. Orada partlayışı törədən terrorçu-kamikadzelərdən biri Nacim Laakrui olub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi