Beynəlxalq Avtomobil Federasiyasının prezidenti postuna seçki keçirilib

Bakı. 8 dekabr. REPORT.AZ/ Fransalı Jan Todt yenidən Beynəlxalq Avtomobil Federasiyasının (FIA) prezidenti seçilib.

“Report” xəbər verir ki, 71 yaşlı funksioner bu barədə şəxsi “Twitter” hesabında yazıb.

O, üçüncü, eyni zamanda qaydalara əsasən, sonuncu müddətə qurumun rəhbəri olacaq.

Qeyd edək ki, Jan Todt 2009-cu ildən FIA-nın prezidenti postunu tutur.