Berlin marafonu təxirə salındı

Almaniyada 26-27 sentyabr tarixlərində keçirilməsi nəzərdə tutulan Berlin marafonu koronavirus pandemiyası səbəbindən təxirə salınıb.

"Report"un məlumatına görə, bu barədə turnirin rəsmi saytı xəbər yayıb.

Bildirilib ki, bu addım yerli hökumətin ölkədə 5 min və daha artıq insanın iştirakı ilə nəzərdə tutulan tədbirlərə qoyduğu qadağa səbəbindən atılıb.

Yarışın yeni vaxtı barədə qısa müddətdə məlumat veriləcəyi vurğulanıb.

Qeyd edək ki, Berlin marafonu 1974-cü ildən bu yana təşkil olunur.