Türkiyəli basketbolçu narkotik maddədən istifadə etdikdən sonra dünyasını dəyişib

Bakı. 24 dekabr. REPORT.AZ/ Türkiyənin "Edirnespor" komandasının basketbolçusu Kemal Mazlum Zahra dünyasını dəyişib. 

"Report" "Milliyet"ə istinadən xəbər verir ki, yaşadığı evdə komaya düşən 24 yaşlı oyunçu xəstəxanada ölüb.

Onun narkotik maddə istifadə etdikdən sonra halının pisləşdiyi iddia olunur. Basketbolçunun ölüm səbəbinin müəyyənləşdirilməsi üçün araşdırma başlanılıb.