Yuxarı
    Bağlamaq

    Bakıda şahmat üzrə dünya çempionları ilə bağlı təklif müzakirə olunacaq

    Rusiya Şahmat Federasiyası FİDE-yə təklif göndərib

    Bakı. 4 avqust. REPORT.AZ/ Rusiya Şahmat Federasiyası (RŞF) yeni təkliflə çıxış edib. "Report"un məlumatına görə, qurum dünya çempionuna istənilən oyunçudan çağırışı qəbul etmək imkanının verilməsini istəyib.

    Bundan ötrü həmin oyunçu mükafat fondu və matçın keçirilməsi üçün vəsait ayıra bilər. Mükafat fondundakı məbləğin yarısı Beynəlxalq Şahmat Federasiyasının (FİDE) hesabına köçürülməlidir.

    FİDE-nin Yunanıstan paytaxtı Afinadakı ofisinə göndərilən təklif 4 - 14 sentyabrda Bakıda keçiriləcək ali şahmat qurumunun Konqresində müzakirə olunacaq. Hərçənd, təklif Şahmat Peşəkarları Assosiasiyasi tərəfindən dərhal etirazla qarşılanıb.

    Qeyd edək ki, artıq əlbəyaxa döyüş növlərində belə üsuldan istifadə olunur. Xüsusən, peşəkar boksçuların kəmər uğrunda döyüş keçirmə hallarına rast gəlinir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi