Yuxarı
    Bağlamaq

    Bakı Şəhər Halqası Əməliyyat Şirkətinin nümayəndələri beynəlxalq avtoidman forumunda iştirak edib

    Tədbirdə milli və beynəlxalq yarışların təşkilatçıları, federasiya və aparıcı komandaların nümayəndələri iştirak ediblər

    Bakı. 14 noyabr. REPORT.AZ/ Bakı Şəhər Halqası Əməliyyat Şirkətinin (BŞH) nümayəndə heyəti noyabrın 9-10-da "Moscow Raceway" avtodromunda keçirilmiş "Russian Motorsport Forum" adlı beynəlxalq avtoidman forumunda iştirak edib.

    Əməliyyat Şirkətindən "Report"a verilən məlumata görə, Rusiya və ona yaxın regionda yerləşən ölkələrdən ümumilikdə 250-dən çox avtoidman nümayəndəsinin iştirak etdiyi forumda bölgədə mövcud çətinliklərin həlli və avtoidmanın gələcək inkişafı müzakirə olunub.

    Tədbirdə milli və beynəlxalq yarışların təşkilatçıları, federasiya və aparıcı komandaların nümayəndələri, avtodrom rəhbərləri, sahibkarlar və avtoidman jurnalistləri iştirak ediblər.

    BŞH-nın nümayəndələri ilə yanaşı, "Kamaz-master", Rusiya Dairəvi yarışların nümayəndələri, "Moscow Raceway", Nürburgring avtodromu, "Kaspersky Lab", "Volkswagen, Renault" və "Petronas" kimi şirkətlərin nümayəndələri də foruma qatılıb.

    Bakıda keçirilmiş Formula 1 Avropa Qran Prisinin təşkilatçısı Arif Rəhimov forumda çıxış edərək şəhər yarışlarının təşkili prosesindən danışıb və gələcək mövsümlə əlaqədar planları tədbir iştirakçıları ilə bölüşüb. A.Rəhimov ilk dəfə olaraq Bakıda keçirilən Avropa Qran Prisində Bakı Şəhər Halqasının şəhər yarışları arasında ən sürətli trek ünvanına yiyələnməsini xatırladıb. O, dünyanın 47 ölkəsindən Bakıya təşrif buyurmuş qonaqların Valtteri Bottas tərəfindən (rəsmi olaraq 366km/saat, qeyri-rəsmi olaraq 378km/saat) müəyyən edilmiş yeni sürət rekorduna şahid olduqlarını və "Williams Martini Racing" komandası daha bir yeni rekorda - ən sürətli pit-stop əməliyyatına 1.92 saniyə ilə imza atdığını bildirib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi