Aprelin 12-də İtaliyanın paytaxtı Romada “Flame of Peace Lighting Ceremony” adlı “Bakı 2019” Avropa Gənclər Olimpiya Festivalının məşəlyandırma mərasimi keçiriləcək.
Bu barədə “Report”a
Həmçinin mərasimdə Avropa Olimpiya Komitəsinin prezidenti Yanez Kotsiyançiç, İtaliya Olimpiya Komitəsinin prezidenti Covanni Malaqo və digər Olimpiya Komitələrinin nümayəndələrinin iştirakı gözlənilir.
Xatırladaq ki, 2019-cu il Avropa Gənclər Olimpiya Festivalı 21 - 28 iyulda Bakıda keçiriləcək. Ümumilikdə, 50 ölkədən 3600-ə yaxın idmançının iştirakı gözlənilir. Festival 10 idman növü üzrə keçiriləcək: gimnastika, atletika, basketbol, velosiped idmanı, həndbol, cüdo, üzgüçülük, tennis, voleybol və güləş. 2500-dən çox könüllü 12 idman obyektində fəaliyyət göstərəcək.