Azərbaycanın qadın güləşçiləri Avropa çempionatında 2 medal qazanıb

Azərbaycanın qadın güləşçisi Nigar Mirzəzadə Bolqarıstanın Plovdiv şəhərində keçirilən gənclərin Avropa çempionatında bürünc medal qazanıb.

"Report"un məlumatına görə, 68 kq-da çıxış edən idmançı 3-cü yer uğrunda qarşılaşmada ispaniyalı Marta Navarro üz-üzə gəlib.

Görüşdən 6:3 hesabı ilə qalib ayrılan Mirzəzadə fəxri kürsünün üçüncü pilləsinə qalxıb.

Azərbaycanın qadın güləşçisi Elnurə Məmmədova Bolqarıstanın Plovdiv şəhərində keçirilən gənclərin Avropa çempionatında final görüşünə çıxıb.

"Report"un məlumatına görə, 55 kq çəki dərəcəsində rəqib rumıniyalı Andreya Beatris Ana olub.

Rəqibinə 0:12 hesabı ilə uduzan Məmmədova gümüş medalla kifayətlənib.

50 kq-da yer alan Şəhanə Nəzərova isə bürünc medal görüşündə almaniyalı Liza Erselə uduzaraq (8:9) 5-ci yeri tutub.