Azərbaycanın parataekvondoçusu Avropa çempionatında gümüş medal qazanıb

Azərbaycan parataekvondoçusu Əbülfəz Abuzərli Serbiyada keçirilən Avropa çempionatında gümüş medal qazanıb.

"Report"un məlumatına görə, 80 kq çəki dərəcəsində çıxış edən idmançı finalda cənubi koreyalı Jeonq Jooya uduzub - 7:15.

O, 1/4 finalda türkiyəli Arda Adem Özkulu (23:9), yarımfinalda Böyük Britaniya təmsilçisi Jozef Leyni (12:3) məğlub edib.

Qeyd edək ki, parataekvondoçu ötən il Rotterdamdakı analoji yarışda qitənin ən güclüsü olub. İdmançı həmçinin dünya çempionatının finalçısı və üçqat bürünc medalçısıdır.