Azərbaycanın iki atleti İznik Ultramarafonunda iştirak edəcək

Bakı. 5 aprel. REPORT.AZ/ Azərbaycanın iki atleti aprelin 21-də Türkiyədə start götürəcək İznik Ultramarafonunda iştirak edəcək.

“Report” xəbər verir ki, 140 km məsafəni əhatə edəcək yarışda Elşən Quliyev, 90 km-lik marşrutda isə Nərmin Quliyeva özünü sınayacaq.

E.Quliyev yarışda Azərbaycan Milli Paralimpiya Komitəsini, N.Quliyeva isə “Baku Marathon Club”u təmsil edəcək.

Qeyd edək ki, iki gün davam edəcək marafonun əsas marşrutu dağlıq ərazidə - 3300 metr yüksəklikdə çətin şəraitdə baş tutacaq.