​Azərbaycanın güləş üzrə milli komandası Qızıl Qran Priyə hazırlaşır

Bakı. 20 noyabr. REPORT.AZ/ Bakıda ümummilli lider Heydər Əliyevin xatirəsinə həsr olunmuş Qızıl Qran Pri beynəlxalq turnirinin final mərhələsinə hazırlıq çərçivəsində Azərbaycan milli komandasının mətbuat üçün açıq məşqi keçirilib. "Report"un məlumatına görə, hazırlıq prosesi Olimpiya Güləş Mərkəzində baş tutub.

İsinmə hərəkətləri ilə məşqin ardından pəhləvanlar arasında sınaq görüşləri başlanıb. Qızıl Qran Pridə hansı güləşçilərin iştirak edəcəyinə bir neçə gündən sonra aydınlıq gələcək.

Qeyd edək ki, yarış 27 - 29 noyabrda Bakı İdman Sarayında keçiriləcək.