Yuxarı

Azərbaycanın 7 sərbəst güləşçisi Qızıl Qran-pridə finala yüksəlib

Daha 6 pəhləvan bürünc medal uğrunda yarışacaq

Bakı. 27 noyabr. REPORT.AZ/ Bakıda ümummilli lider Heydər Əliyevin xatirəsinə həsr olunmuş güləş üzrə Qızıl Qran-prinin final mərhələsi start götürüb. "Report"un məlumatına görə, ilk yarış günündə sərbəst güləş yarışları keçirilir.

Azərbaycan təmsilçiləri 8 çəki dərəcəsindən 6-da finala yüksəlib. Bunlar Hacı Əliyev (61 kq), Toğrul Əsgərov (70 kq), Cəbrayıl Həsənov (74 kq), Şərif Şərifov (97 kq), Cəmaləddin Məhəmmədov (125 kq) və 86 kq çəki dərəcəsində bir-birilə qarşılaşacaq Aleksandr Qostiyevlə Nurməhəmməd Hacıyevdir.

Eyni zamanda, Mahir Əmiraslanov, Pərviz İbrahimov (hər ikisi 57 kq), Teymur Məmmədov, Ağahüseyn Mustafayev (hər ikisi 65 kq), Hacımurad Ömərov (70 kq) və Aslanbek Alborov (97 kq) bürünc medal uğrunda görüşə çıxacaqlar.

Qeyd edək ki, medal görüşləri saat 17:00-da başlanacaq açılış mərasiminin ardından təşkil olunacaq. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi