Azərbaycanın 6 taekvondoçusu dopinqdən istifadəyə görə cəzalandırılıb - ƏLAVƏ OLUNUB

Azərbaycanın 6 taekvondoçusu dopinqdən istifadəyə görə cəzalandırılıb - ƏLAVƏ OLUNUB Onların hamısı 1 illik disvalifikasiya olunub
Fərdi
606
31 Oktyabr , 2018 09:53
Azərbaycanın 6 taekvondoçusu dopinqdən istifadəyə görə cəzalandırılıb - ƏLAVƏ OLUNUB

Bakı. 31 oktyabr. REPORT.AZ/ Azərbaycanın daha 6 idmançısına dopinqdən istifadəyə görə sanksiya tətbiq edilib.

Bu barədə Azərbaycan Milli Antidopinq Agentliyindən (AMADA) "Report"a verilən məlumatda bildirilir. Onların taekvondoçular - Cavid Hüseynov, Samir Məhərrəmov, Yunis Məmmədzadə, Şəms İsayeva, Nərgiz Mirzəyeva və Ofeliya Allahverdiyeva olduqları açıqlanıb. İdmançıların hamısı 12 ay müddətinə diskvalifikasiya olunub. Onlardan alınmış nümunələrdə qadağan edilmiş maddə və ya onun metabolit yaxud markerlərinin mövcudluğu təsbit olunub.

Bütün idmançıların orqanizmlərində furosemid maddəsi aşkarlanıb. Onların cəzaları müvafiq olaraq,  4 aprel, 20 aprel, 25 aprel, 19 aprel və 19 mart 2018-ci ildən qüvvəyə minib. Bütün taekvondoçular Azərbaycanın yeniyetmə və gənclərdən ibarət yığma komandalarının üzvləri olub.

Qeyd edək ki, daha əvvəl Azərbaycanın 25 idmançısı dopinq-testdən keçə bilmədiyi üçün AMADA tərəfindən cəzalandırılıb.

Son xəbərlər

Orphus sistemi