Bakı. 12 avqust. REPORT.AZ/ Azərbaycanı 2016-cı il Rio-de-Janeyro Yay Olimpiya Oyunlarında təmsil edən 56 idmançıdan 20-si çıxışlarını tam başa vurub.
"Report"un məlumatına görə, onlardan cüdoçu Rüstəm Orucovla Elmar Qasımov gümüş medal qazana bilib.
Ötən gün boksçulardan Cavid Çələbiyevlə Pərviz Bağırov, eləcə də akademik avarçəkənlərdən ibarət Aleksandr Aleksandrov - Boris Yotov dueti çıxışlarını yekunlaşdırıb. Bununla da Azərbaycanın olimpiadadan medalsız qayıdacaq idmançılarının sayı 18-ə çatıb.
Güllə atıcısı Ruslan Lunyovu qarşıda daha bir sınaq gözləyir. Lunyov 25 metr məsafəyə sürətli atəş yarışında da çıxış edəcək.
Cüdo
Elmar Qasımov (100 kq) - gümüş
Rüstəm Orucov (73 kq) - gümüş
Orxan Səfərov (60 kq) - 5-ci yer
Məmmədəli Mehdiyev (90 kq) - 7-ci yer
Nicat Şıxəlizadə (66 kq) - 1/8 finalda uduzub
İdman gimnastikası
Oleq Stepko (fərdi çoxnövçülük) - finalda 22-ci yer
Pavlo Paxnyuk (fərdi çoxnövçülük) - 34-cü yer
Boks
Rüfət Hüseynov (49 kq) - 1/16 finalda uduzub
Cavid Çələbiyev (56 kq) - 1/16 finalda uduzub
Pərviz Bağırov (69 kq) 1/8 finalda uduzub
Abdulqadir Abdullayev (91 kq) - 1/4 finalda uduzub
Velosiped idmanı
Yelena Pavluxina (şosse velosipedi - qadınlar) - 35-ci yer
Maksim Averin (şosse velosipedi - kişilər) - finişə çata bilməyib
Üzgüçülük
Fatimə Alkərəmova (100 metr məsafəyə sərbəst üsulla) - 48 iştirakçı arasında 41-ci yer
Boris Kirillov (200 metr məsafəyə arxası üstə) - 26 iştirakçı arasında sonuncu yer
Akademik avarçəkmə
Aleksandr Aleksandrov - Boris Yotov (2 nəfərlik qoşa avarlı qayıq - M2X) - 12-ci yeri tutub.
Kanoe-slalom
Yure Meqliç (1 nəfərlik kayak qayığı) - yarımfinalda 14-cü yer
Atıcılıq
Ruslan Lunyov (pnevmatik tapançadan 10 metr məsafəyə atış) - seçmə mərhələdə 15-ci yer
Qılıncoynatma
Səbinə Mikina (sablya) - 1/16 finalda uduzub
Oxatma
Olqa Senyuk (Kamandan oxatma) - 1/32 finalda uduzub.