Azərbaycan yığmasının Avropa çempionatı üçün heyəti açıqlanıb

Azərbaycan yığmasının Avropa çempionatı üçün heyəti açıqlanıb Gürcüstan paytaxtına cəzası başa çatan ağırlıqqaldıran da yollanacaq
Fərdi
160
7 Aprel , 2015 12:53
Azərbaycan yığmasının Avropa çempionatı üçün heyəti açıqlanıb

Bakı. 7 aprel. REPORT.AZ/ Aprelin 10-da Gürcüstanın paytaxtı Tiflisdə start götürəcək ağır atletika üzrə Avropa çempionatı üçün Azərbaycan milli komandasının heyəti açıqlanıb. "Report"un məlumatına görə, 8 gün davam edəcək çempionata 4 kişi və 2 qadın ağırlıqqaldıran yollanacaq.

Kişilərin yarışına Elmar Alıyev (56 kq), Valentin Xristov (62 kq), Əfqan Bayramov, İvan Stoitsov (hər ikisi 77 kq), qadınların mübarizəsinə isə Boyanka Kostova (53 kq) ilə Anastasiya İbrahimli (69 kq) qatılacaq. Onlar yeni baş məşqçi Miroslav Çoros, məqşçilər Nizami Paşayev, Xanlar Nəbiyev və Hafiz Süleymanovun rəhbərliyi altında çıxış edəcəklər. Xristov 2 illik dopinq cəzasını aprelin 9-da başa vuracağından, yarışda iştirakına heç bir əngəl qalmayacaq.

Qeyd edək ki, Avropa çempionatında 38 ölkədən 268 ağır atletin (112 qadın və 156 kişi) iştirakı gözlənilir. 

Son xəbərlər

Orphus sistemi