Azərbaycan yığmalarında çalışan əcnəbi məşqçilər bir-biri ilə ailə qurub

Bakı. 15 iyul. REPORT.AZ/ Azərbaycanın sərbəst güləş və bədii gimnastika üzrə yığma komandalarında çalışan əcnəbi məşqçilər bir-biri ilə ailə qurub. "Report"un məlumatına görə, yeniyetmə güləşçilərdən ibarət millinin məşqçisi Mariyan Stoynevlə bədii gimnastika yığmasının köməkçi-məşqçisi Yasena Kuyumciyeva Bolqarıstanda nikaha giriblər.

Onların toyu Sofiyadakı "İzbata" kompleksində olub. Mərasimə Azərbaycanın bədii gimnastika üzrə millisinin baş məşqçisi Mariana Vasilyeva və "Bakı 2015" I Avropa Oyunlarında 5 medal qazanmış idman gimnastı Oleq Stepko da qatılıb.