Azərbaycan velosipedçisi İslamiadada sonuncu olub

Türkiyənin Konya şəhərində keçirilən V İslam Həmrəyliyi Oyunlarının 4-cü günündə Azərbaycanın 4 velosipedçisi qüvvəsini sınayıb.

"Report"un məlumatına görə, trek velosipedində ən yaxşı nəticəni yenə Ayan Xankişiyeva göstərib.

O bir gün əvvəl olduğu kimi, yenə 4-cü yerlə kifayətlənib. Onun həmkarı Viktoriya Sidorenko 8-ci olub. Kişilər isə uğursuz çıxış edib. Elgün Əlizadə 17-ci, Əmral Əbdüləzizli sonuncu – 19-cu olub.