Yuxarı
    Bağlamaq

    Azərbaycan uşu-sanda ustası Avrasiya Kubokunda ermənini məğlub edib - VİDEO

    Yarışda qondarma Dağlıq Qarabağ Respublikası təmsil olunmayıb

    Bakı. 11 mart. REPORT.AZ/ Azərbaycanın uşu-sanda üzrə yığma komandası Gürcüstanın paytaxtı Tiflis şəhərində keçirilmiş Avrasiya Kubokunda 8 medal qazanıb. Bu barədə "Report"a yığmanın məşqçisi və idmançısı Elçin Eminov məlumat verib. 

    Onun sözlərinə görə, medallardan 5-i qızıl, 2-si gümüş, 1-i isə bürünc olub. E.Eminov yarışda 4 ölkə - Azərbaycan, Gürcüstan, İraq və Ermənistanın təmsil olunduğunu bildirib. 

    Məşqçi "Dağlıq Qarabağ Respublikası" idmançılarının da Avrasiya Kubokuna qatılmalarına dair qondarma qurum telekanalının yaydığı xəbəri təkzib edib: "Yarışın açılış mərasimində iştirakçı ölkələr arasında "DQR"in adı çəkilməyib. Belə bir şey olsaydı, etiraz edər və ümumiyyətlə, yarışa qatılmazdıq. Şəxsən mənim döyüşlərimdən biri erməniyə qarşı olub və onun arxasında Ermənistan yazılmışdı". 

    E.Eminov həmin döyüşün videogörüntülərini də təqdim edib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi