Yuxarı

​Azərbaycan taekvondoçuları Avropa çempionatında daha bir medal qazanıb

Payam Qubadi Uqaz bürünc medala sahib olub

Bakı. 22 may. REPORT.AZ/ İsveçrənin Möntrö şəhərində keçirilən taekvondo üzrə Avropa çempionatını Azərbaycan milli komandası bir dəst medalla başa vurub.

"Report"un məlumatına görə, sonuncu yarış günündə Payam Qubadi Uqaz bürünc medala sahib olub.

87 kq. çəki dərəcəsində çıxış edən iranlı legioner ardıcıl olaraq, xorvatiyalı Nikola Boyonu 4:0, fransalı MBar NDiayeni 3:0, böyük britaniyalı Damon Sansumu 1:0 hesabı ilə yenərək, yarımfinala çıxıb. Finala gedən yolda Qubadi rusiyalı Vladislav Larinə 0:10 hesabı ilə uduzub və bürünc medalla kifayətlənib.

2016-cı il Rio-de-Janeyro Yay Olimpiya Oyunlarına lisenziyanı təmin etmiş Radik İsayev isə 87 kq-dan yuxarı çəki dərəcəsində ilk görüşdəcə gözlənilmədən ukraynalı Mixaylo Şelestə 4:5 hesabı ilə yenilərək, mübarizəni dayandırıb.

Qeyd edək ki, əvvəlki yarış günlərində Milad Beigi Harçeqani (80 kq) qızıl, Patimat Abakarova (53 kq) gümüş medal qazanıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi