Yuxarı

Azərbaycan şahmatçısı Şəhriyar Məmmədyarov bu gün dünya çempionu ilə qarşılaşacaq

Maqnus Karlsenlə görüş nəticəsində Qatar Masters Openin qalibi böyük ölçüdə müəyyənləşəcək

Bakı. 28 dekabr. REPORT.AZ/ Qətərin paytaxtı Dohada keçirilən şahmat üzrə "Qatar Masters Open"də mübarizə həlledici mərhələyə qədəm qoyub. "Report"un məlumatına görə, Azərbaycanın yeganə təmsilçisi Şəhriyar Məmmədyarov sona 2 tur qalmış liderliyi ələ alıb.

8-ci turda Məmmədyarov norveçli dünya çempionu Maqnus Karlsenlə üz-üzə gələcək. Bakı vaxtı ilə saat 15:00-da başlanacaq qarşılaşmada azərbaycanlı qrossmeyster ağ fiqurlarla oynayacaq.

Qeyd edək ki, bu görüşün nəticəsi hər iki şahmatçı üçün böyük əhəmiyyət kəsb edir. 7 turdan sonra Məmmədyarov, Karlsen və rusiyalı Sanan Syugirov hərəyə 5,5 xalla ilk 3 pilləni bölüşür. Syugirov qara fiqurlarla həmyerlisi və yarım xal üstələdiyi Vladimir Kramniklə qara fiqurlarla qarşılaşacaq. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi