Yuxarı

Azərbaycan paralimpiyaçıları “Rio-2016” Olimpiadasına növbəti lisenziya qazanıblar

İradə Əliyeva 44,18 metrlik nəticə ilə dünya rekordu müəyyənləşdirərək yarışların qalibi olub

Bakı. 27 oktyabr. REPORT.AZ/ Azərbaycan idmançıları gələn il Rio-de-Janeyroda keçiriləcək Paralimpiya Oyunlarına daha bir lisenziya qazanıblar.

"Report" xəbər verir ki, Qətərin paytaxtı Dohada təşkil olunan atletika üzrə dünya çempionatının nizətullama yarışlarında mübarizə aparan idmançımız İradə Əliyeva 44,18 metrlik nəticə ilə dünya rekordu müəyyənləşdirərək yarışların qalibi olub. Beləliklə, atletimiz “Rio-2016” Paralimpiya Oyunlarına birbaşa lisenziya qazanıb.

Bu, Azərbaycan Milli Paralimpiya Komitəsinin qazandığı 10-cu lisenziyadır.

İradə Əliyevadan əvvəl uzunluğa tullanma yarışlarında Elçin Muradov, cüdoçularımız İlham Zəkiyev (100 kq-dan yuxarı), Səbinə Abdullayeva (57 kq), Ramil Qasımov (73 kq), Bayram Mustafayev (60 kq), üzgüçülər Dmitri və Roman Saley, pauerliftinq idmanı üzrə Elşən Hüseynov (107 kq) və uzunluğa tullanma üzrə Kamil Əliyev “Rio-2016” Paralimpiya Oyunlarına lisenziya qazanıblar.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi