Yuxarı
    Bağlamaq

    ​Azərbaycan karateçisi Yaponiyada gümüş medal qazanıb

    Şahin Atamov finalda iranlı dünya çempionu ilə döyüşüb

    Bakı. 30 noyabr. REPORT.AZ/ Karate üzrə Azərbaycan milli komandasının kapitanı Şahin Atamov (+84 kq) Yaponiyada Premyer Liqanın gümüş medalına sahib olub. "Report"un məlumatına görə, o, finalda İran milli komandasının əslən azərbaycanlı favoritlərindən Səyad Gənczadə ilə (fərdi yarışlarda son dünya ikincisi və komanda yarışlarında çempion) gücünü sınayıb.

    Görüşün əsas vaxtı heç-heçə bitsə də, 5 hakimdən 3-ü qələbəni (xante ilə) rəqibə verib. Bu medal Azərbaycan idmançısının (şəxsi məşqçisi Şahin Xudaverdiyev, milli komandada məşqçisi Rəhman Hətəmov) 2015-ci il Premyer Liqalarında 3-cü gümüş mükafatıdır. Yanvarda Parisdə 2-ci yeri tutan Ş.Atamov fevralda Hollandiyanın Almere şəhərində analoji turniri də eyni nəticə ilə başa vurub. Bundan başqa dünya reytinqində 5-ci olan karateçi Yaponiyada qazandığı gümüş medalla 3-cü pilləyə yüksəlib.

    Qeyd edək ki, Okinavada Dünya Karate Federasiyasının (WKF) Premyer Liqa seriyasından ilin son nüfuzlu yarışında 38 ölkədən 207 idmançı iştirak edib. Turnirdə Azərbaycanı yalnız Şahin Atamov təmsil edib. Azərbaycan karateçilərinin növbəti Premyer Liqa yarışı 2016-cı ilin yanvarında Parisdə olacaq. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi