Azərbaycan idmançısının qatılacağı Avropa çempionatının vaxtı bilindi

Ukraynanın paytaxtı Kiyevdə keçirilməsi planlaşdırılan və koronavirusa görə təxirə salınan badminton üzrə Avropa çempionatının yeni tarixi açıqlanıb. 

Azərbaycan Badminton Federasiyasından "Report"a verilən məlumata görə, yarış 2021-ci il 27 aprel - 2 mayda Kiyevdə keçiriləcək.  

Qeyd edək ki, 2021-ci il Avropa çempionatı Tokio-2020 Yay Olimpiya Oyunları üçün sonuncu təsnifat turniri olacaq. Yarışda Azərbaycan badmintonçusu Edi Reski Dviçayonun iştirakı nəzərdə tutulub.