​Azərbaycan Güləş Federasiyası loqosunu dəyişəcək

Bakı. 28 yanvar. REPORT.AZ/ Azərbaycan Güləş Federasiyası loqosunu dəyişəcək. "Report"un məlumatına görə, federasiya bununla bağlı müsabiqə keçirəcək.

İstənilən şəxsin və ya şirkətin iştirak edə biləcəyi müsabiqə fevralın 22-dək davam edəcək. Təqdim olunan təkliflərə xüsusi komissiya tərəfindən fevralın 28-dək baxılacaq. Qalibə 1000 manat məbləğində mükafat veriləcək.

Qeyd edək ki, həmin loqo federasiyanın blanklarında, vizit kartlarında və digər çap məhsullarında istifadə ediləcək.