Azərbaycan gimnastı beynəlxalq turnirdə bürünc medal qazanıb

Azərbaycanın bədii gimnastı Nərmin Bayramova Qazaxıstanın Şimkənt şəhərindəki beynəlxalq turnirdə bürünc medal qazanıb. 

"Report" xəbər verir ki, gənclərin yarışına qatılan atlet çoxnövçülük proqramında 63.050 xal toplayıb. 

Böyük gimnastlar arasında Yelizaveta Luzan çoxnövçülük proqramında 58.050 xalla turniri 4-cü, komanda yoldaşı Fatimə Əkpərova isə 55.850 xalla 6-cı yerdə bitirib.