Yuxarı
    Bağlamaq

    ​Azərbaycan cüdoçusu Avropa üçüncüsü olub

    Hidayət Heydərov bürünc medal uğrunda görüşdə Montoneqro nümayəndəsini məğlub edib

    Bakı. 15 noyabr. REPORT.AZ/ Cüdo üzrə gənclərdən ibarət milli komandamızın üzvü Hidayət Heydərov Slovakiyanın Bratislava şəhərində keçirilən Avropa birinciliyində bürünc medal qazanıb.

    Azərbaycan Cüdo Federasiyasından "Report"a verilən məlumata görə, 73 kq. çəki dərəcəsində yarışan Azərbaycan cüdoçusu ilk görüşdə Moldova təmsilçisi George Blanarunu məğlub edib.

    Növbəti mərhələlərdə rusiyalı Arbi Xamxoyev, ukraynalı Artyom Xomulaya qalib gələn Hidayət yarımfinalda İtaliya cüdoçusu Antoniyo Espozitoya uduzub. Üçüncü yer uğrunda görüşdə Montoneqro nümayəndəsi Nikola Qusiç üzərində qələbə qazanan cüdoçumuz Avropa birinciliyinin bürünc medalına sahib olub.

    Qeyd edək ki, qitə birinciliyində çıxış edən milli komandamızın aktivində 3 medal var (Davud Məmmədov (60 kq) gümüş, Telman Vəliyev (66 kq) və Hidayət Heydərov (73 kq) bürünc).

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi