Azərbaycan atleti "Rio-2016"da gümüş medal qazanıb

Bakı. 10 sentyabr. REPORT.AZ/ Azərbaycan yığması Braziliyanın paytaxtı Rio-de-Janeyroda keçirilən XV Yay Paralimpiya Oyunlarında 4-cü medalını qazanıb.

"Report" xəbər verir ki, atlet Yelena Çebanu fəxri kürsünün ikinci pilləsinə yüksələrək gümüş medala sahib çıxıb.

O, 100 metr məsafəyə qaçış yarışlarında 11,71 saniyəlik nəticə göstərib.

Bununla da Azərbaycan yığmasının Olimpiadada qazandığı medalların sayı 4-ə çatıb.