Yuxarı
    Bağlamaq

    Azərbaycan akademik avarçəkəni dünya çempionatında mübarizəyə başlayıb

    Aleksandr Aleksandrov seçmə yürüşdə yalnız bir rəqibini üstələyib© Getty Images/ Mika Hewitt

    Bakı. 25 sentyabr. REPORT.AZ/ ABŞ-ın Florida ştatındakı Sarasota şəhərində akademik avarçəkmə üzrə dünya çempionatına start verilib. "Report"un məlumatına görə, 69 ölkədən 382 idmançının qatıldığı nüfuzlu reqatada Azərbaycan da təmsil olunur.

    Bu, 1 nəfərlik qayıqla 2000 metr (M1x) məsafəyə yürüşdə mübarizə aparan Aleksandr Aleksandrovdur. Yeniyetmələr və 23 yaşadək akademik avarçəkənlər arasında dünya çempionu seçmə yürüşdə finişə 7 dəqiqə 26,520 saniyəyə çataraq, Polşa, İsveçrə, Puerto-Riko idmançılarından sonra 4-cü yeri tutub. O, yalnız Salvadordan olan rəqibini üstələyib.

    27 yaşlı avarçəkən bu gün keçiriləcək təsəlliverici yürüşdə ilk 2 yerdən birini tuta bilsə, 1/4 finala yüksələcək. O, Benin, Monako, ABŞ, Ukrayna və Baham adalarından olan rəqibləri ilə yarışacaq.

    Qeyd edək ki, dünya çempionatı oktyabrın 1-dək davam edəcək.  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi