Yuxarı
    Bağlamaq

    Azad Rəhimov Asiya Oyunlarının Açılış mərasimində iştirak edib

    Nazir Minsk 2019 II Avropa Oyunları Koordinasiya Komissiyasının iclasına da qatılacaq© Report

    Bakı. 20 sentyabr. REPORT.AZ/ Azərbaycanın gənclər və idman naziri Azad Rəhimov Türkmənistanın paytaxtı Aşqabadda keçirilmiş V Asiya Oyunlarının Açılış mərasiminə qatılıb. Nazirliyin mətbuat xidmətindən "Report"a verilən məlumata görə, qonşu ölkəyə səfəri çərçivəsində A.Rəhimov bir sıra ölkələrin nümayəndə heyətlərinin üzvləri ilə görüşüb. 

    O, Türkiyənin gənclər və idman naziri, Belarusun idman və turizm naziri, Rusiya Federasiyası Tatarıstan Respublikasının gənclər və idman naziri və bir sıra beynəlxalq qurumların rəhbərləri ilə bir araya gəlib. 

    Qeyd edək ki, Azad Rəhimov sentyabrın 21-də Belarusun paytaxtı Minskə yollanacaq. Səfərin əsas məqsədi nazirin də üzv olduğu "Minsk 2019" II Avropa Oyunları Koordinasiya Komissiyasının iclasında iştirak etmək və hazırlıq prosesi ilə yaxından tanış olmaqdır. Koordinasiya Komissiyasının iclası çərçivəsində Oyunların rəsmi proqramı, idman yarışlarının proqramı, Atletlər Kəndində görüləcək işlər, Milli Olimpiya komitələri ilə işin qurulması, yayım, marketinq, könüllülük, nəqliyyat və digər mövzular müzakirə olunacaq. A.Rəhimov yarışların keçiriləcəyi "Minsk Arena", Gimnastika Arenası, Velosiped Mərkəzi, Badminton Mərkəzi və digər idman obyektlərinə də səfər edəcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi