Yuxarı

Avropa Sambo Federasiyasının prezidenti öz evində döyülərək qarət olunub

Sergey Yeliseyev, həyat yoldaşı və anasını hədələyərək bağlayıblar

Bakı. 21 noyabr. REPORT.AZ/ Ümumrusiya Sambo Federasiyasının və Avropa Sambo Federasiyasının prezidenti Sergey Yeliseyev, həyat yoldaşı və anası naməlum şəxslər tərəfindən döyülüb. "Report"un məlumatına görə, hüquq-mühafizə orqanlarından TASS-a hadisənin Moskvaətrafı Ayı gölü qəsəbəsində ötən gecə saat 3:00 radələrində baş verdiyi bildirilib. 

Mənbə deyib ki, 4 maskalı şəxs kottecə soxularaq kişini, xanımını və anasını döydükdən sonra tapança ilə hədələyərək, onları bağlayıblar. Daha sonra naməlum şəxslər evdən 450 min dollar, 5 min rubl və 30 min avro oğurlayaraq, aradan çıxıblar. 

Regionun polis idarəsinin mətbuat xidmətindən qarət məqsədilə hücum faktı təsdiqlənib. Amma zərərçəkənlərin şəxsiyyəti açıqlanmayıb. Faktla bağlı cinayət işi açılıb, qarətçilərin tapılıb tutulması istiqamətində operativ tədbirlər görülür. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi