Avropa çempionatının bürünc medalçısı: “Görüşlərin hamısı çətin keçdi”

“Görüşlərin hamısı çətin idi. Birinci görüşdən sonuncu görüşədək hamısını çətinliklə keçirdik”.

Bu sözləri “Report”a açıqlamasında Bolqarıstanın paytaxtı Sofiyada keçirilən Avropa çempionatında bürünc medal qazanan Məmmədəli Mehdiyev (90 kq) deyib.

M.Mehdiyev qeyd edib ki, yarışa qızıl medal qazanmaq uğrunda qatılıb: “Şükür ki, medalla qayıtdım. Ancaq istədiyim qızıl medal idi. İnşallah çalışacam ki, gələcəkdə keçiriləcək dünya çempionatından qızıl medalla qayıdım”.