Yuxarı
    Bağlamaq

    Arif Rəhimov: "Qreq Maffeyin bəyanatı bizim üçün sürpriz oldu"

    Bakıdakı yarışı həm pilotlar, həm də rəsmi şəxslər uğurlu adlandırmışdı© Report.az

    Bakı. 15 mart. REPORT.AZ/ "Formula-1"in yeni sahiblərinin, "Liverty Media"nın rəhbəri Qreq Maffeyin bəyanatı bizim üçün sürpriz oldu".

    "Report" xəbər verir ki, bunu mətbuat konfransında Azərbaycan Qran Prisini promouteri Arif Rəhimov Q.Maffeyin Azərbaycanın "Formula-1" markasını təşviq etməməsiylə bağlı bəyanatını şərh edərkən deyib.

    A.Rəhimov "Formula-1" haqqında çox şey bilməyən şəxsdən belə fikir eşitməyin qəribə olduğunu əlavə edib:

    "Bildiyimə görə, Maffey bir dəfə Qran Pridə iştirak edib. Bakıdakı yarışı isə həm pilotlar, həm də rəsmi şəxslər uğurlu adlandırmışdı. Buna görə də bu cür bəyanatı anlamaq çətindir".

    A.Rəhimov "Formula-1"in yeni rəhbərliyinin Bakıdakı yarışın necə maraqlı keçdiyini gördükdən sonra fikirlərini dəyişəcəklərinə ümid etdiyini vurğulayıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi