Amerikalı Sloan Stivens "US Open" tennis turnirinin qalibi olub

Bakı. 10 sentyabr. REPORT.AZ/ Amerikalı qadın tennisçi Sloan Stivens Nyu-Yorkda keçirilən "US Open" turnirinin (ümumi mükafat fondu 50,4 milyon dollar) qalibi olub.

"Report" TASS-a istinadən xəbər verir ki, 24 yaşlı Stivens final oyununda 22 yaşlı həmvətəni Medison Kizi 6:3, 6:0 hesabı ilə məğlub edib.

Stivens karyerasında ilk dəfə idi ki, Böyük dəbilqə seriyalı turnirin finalında çıxış edirdi. Bu titul amerikalı üçün Qadın Tennis Assosiasiyası turnirlərində sayca 5-ci olub.

"US Open" turnirinə sentyabrın 10-da yekun vurulacaq.