AMADA-nın direktoru UNESCO-nun tədbirində iştirak edib

Azərbaycan Milli Antidopinq Agentliyinin (AMADA) direktoru Şəfəq Hüseynli UNESCO-nun İdmanda Dopinqə Qarşı Beynəlxalq Konvensiyanın iştirakçısı olan Dövlətlərin Milli Uyğunluq Platformalarının virtual məsləhətləşmələrində iştirak edib.

AMADA-dan "Report"a verilən məlumata görə, iclas zamanı tərəf dövlətlərin UNESCO Konvensiyasına uyğunluğunun monitorinqi və hesabat təqdim etmə prosesi müzakirə edilib.

Milli Uyğunluq Platformalarının məsləhətləşmələri UNESCO-nun İdmanda Dopinqə qarşı Beynəlxalq Konvensiyanın Tərəfləri Konfransı çərçivəsində baş tutur.