Yuxarı
    Bağlamaq

    Almaniyada kikboksinq üzrə dünya çempionu güllələnib

    37 yaşlı Musa Musalayevi ötən həftənin cümə günü maskalı naməlum şəxs güllələyib

    Bakı. 23 noyabr. REPORT.AZ/ Tatarıstandan olan idmançı, dəfələrlə kikboksinq üzrə dünya çempionu adı qazanmış Musa Musalayev Almaniyanın Noy-Ulm şəhərində öldürülüb.

    Bu barədə "Report" RİA "Novosti"yə istinadən xəbər verir.

    Almaniya KİV-nin məlumatına görə, 37 yaşlı idmançını ötən həftənin cümə günü maskalı naməlum şəxs güllələyib. O, hadisədən sonra avtomobillə aradan çıxıb.

    Hazırda polis şahid ifadələrini araşdırır və bu cinayətlə 7 ay əvvəl baş vermiş qətl hadisəsi arasında əlaqənin olub-olmadığını yoxlayır. O vaxt Baden-Vürtemberq federal torpağında kikboksinq üzrə başqa bir dünya çempionu güllələnib.

    Qeyd edək ki, "Şahzadə" ləqəbli Musa Musalayev müxtəlif kateqoriyada keçirilən kikboksinq yarışlarda dünya çempionu oldu. O, 2013-cü ildə karyerasını başa vurduqdan sonra Almaniyaya köçüb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi