Bakı. 13 iyul.REPORT.AZ/ Azərbaycan Dövlət Neft Şirkəti (SOCAR) "Azneft" İstehsalat Birliyinin (İB) Z.Tağıyev adına Neft və Qazçıxarma İdarəsi bu ilin ilk 6 ayı ərzində 31,958 ton neft və 2,724 mln. kubmetr qaz hasil edib. "Report"un SOCAR-ın mətbuat xidmətindən əldə etdiyi məlumata görə, tapşırığa 148,9% əməl edilib.

Hsabat dövründə fəaliyyətsiz fonddan 2 quyuya qarşı 5 quyu istismara qaytarılıb və nəticədə 1197 ton əlavə neft çıxarılıb.

Bundan əlavə, hasilatı sabit saxlamaq məqsədilə geoloji və texniki tədbirlərə də diqqət artırılıb, 455 texniki tədbir aparılıb, 3,6 min ton əlavə neft hasil olunub.

Ötən altı ayda mədənlərdə həyata keçirilmiş 81 geoloji tədbirin 4,8 min ton əlavə neft hasilatına imkan yaratdığı deyilir.