Yuxarı
    Bağlamaq

    Yeni ildən təbii qazla bağlı texniki şərtləri "ASAN xidmət" verəcək

    Bunun üçün SOCAR hazırda ASAN xidmətlə danışıqlar aparır

    Bakı. 7 noyabr. REPORT.AZ/ Gələn il yanvarın 1-dən etibarən Azərbaycanda təbii qaz təminatı ilə bağlı bütün texniki şərtlərin istehlakçılara verilməsi prosesi "ASAN xidmət" mərkəzləri vasitəsilə həyata keçiriləcək.

    "Report" xəbər verir ki, bunu Azərbaycan Dövlət Neft Şirkətinin (SOCAR) prezidenti Rövnəq Abdullayev bu gün Zaqatala rayonunun Mosul kəndinə təbii qazın verilməsi münasibətilə keçirilən tədbirdə bildirib.

    R.Abdullayev qeyd edib ki, bunun üçün hazırda "ASAN xidmət"lə danışıqlar aparılır: "Bu, əhalinin rahatlığının təmin olunması məqsədi daşıyır. Əhalinin müraciətləri, heç bir əlavə yerə müraciət etmədən "ASAN xidmət" mərkəzlərində tez bir zamanda həll olunacaq. Həmçinin, heç bir pul ödəmədən texniki şərtlər "ASAN xidmət" vasitəsilə həyata keçiriləcək".

    Mərasimdə şirkət prezidenti qeyd edib ki, Azərbaycanda 100-dən çox əhalisi olan kəndlərin 90%-i qazlaşdırılıb: "Bu gün Mosul kəndinin qazlaşdırılması ilə Zaqatalanın 24 kəndi, bu ilin əvvəlindən isə 8 yaşayış məntəqəsi "mavi yanacaq"la təmin olunub".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi