Yanvar-iyul aylarında 312 çoxmərtəbəli binaya təbii qaz verilib

Bakı. 1 avqust. REPORT.AZ/ 2018-ci ilin yanvar-iyul ayları ərzində “Azəriqaz” İstehsalat Birliyi hüquqi və fiziki şəxslərin müraciətlərini araşdıraraq, müvafiq sənədləri təqdim olunan 312 çoxmərtəbəli binaya təbii qazın verilməsini təmin edib.

“Report”un “Azəriqaz”a istinadən verdiyi xəbərə görə, həmin binalarda ümumilikdə 17 422 ailə yaşayır.

“Azəriqaz” İB təbii qazın satışı ilə məşğul olan bir qurum kimi zəruri sənədləri təqdim etmiş, bütün normativ-texniki və təhlükəsizlik tələblərinə cavab verən istənilən çoxmərtəbəli binanın ən qısa müddətdə “mavi yanacaq”la təmin olunmasında maraqlıdır