Bakı. 25 oktyabr. REPORT.AZ/ OPEC-in neft hasilatının azaldılması ilə bağlı qərarını (OPEC+ sazişi) 2018-ci ilin mart ayından sonra da yenidən uzatması ehtimalı yüksəkdir.
"Report" xəbər verir ki, bunu Bakıda BP şirkətinin Rusiya və MDB ölkələri üzrə baş iqtisadçısı Vladimir Drebentsov bildirib.
O qeyd edib ki, sazişin uzadılması şərtində bir neçə modifikasiya edilməlidir: "Neft hasilatının azaldılması ilə bağlı qərarı bütün üzv ölkələr yerinə yetirə bilməyib. Məlumdur ki, Liviya və Nigeriyaya güzəşt edilmişdi. Nəticədə Liviya 1 mln. barelə qədər hasilatı artırıb".
"Əgər hasilatın 2018-ci ilin mart ayından sonra növbəti müddətə azaldılması ilə bağlı qərar qəbul olunarsa, Nigeriya və Liviyaya kvota rejimi tətbiq edilməlidir", - V.Drebentsov qeyd edib.