Yuxarı

​Venesuela neftin qiymətinin 27 dollaradək düşə biləcəyi barədə xəbərdarlıq edib

Ölkənin neft naziri neftin ədalətli qiymətini qorumaq üçün OPEK-i sammit keçirməyə çağırıb

Bakı. 4 yanvar. REPORT.AZ/ Karakas bütün müstəqil istehsalçıların iştirakı ilə OPEK ölkələrinin növbədənkənar sammitinin keçirilməsinə təşəbbüs göstərməyə çalışır.

"Report" xəbər verir ki, bu barədə Venesuelanın neft naziri Euloxio del Pino "Telesur" telekanalına müsahibəsində bildirib.

"Biz prezident Nikolas Maduro ilə birgə daima OPEK liderlərini və müstəqil istehsalçıları yanvarda təcili görüş keçirməyə təhrik etməyi müzakirə edirik", — deyə Euloxio del Pino bildirib.

Onun fikrincə, ixracatçılar əlaqələndirilmiş tədbirlərdən imtina edəcəyi təqdirdə, neftin qiymətinin bir barel üçün hazırkı 27 dollar səviyyəsindən 10 dollar da aşağı düşməsi təhlükəsi var.

"İstehsalçıların birgə hərəkət etməsi zəruridir. Bərpa olunmayan enerji mənbələrinin ədalətli qiymətini qorumaq lazımdır", — deyə venesuelalı nazir bildirib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi