“Ukrtransnafta” 15 min ton Azərbaycan neftini hərraca çıxarır

Bakı. 2 iyul. REPORT.AZ/ “Ukrtransnafta” iyulun 3-də 15 min ton həcmində “AzeriLight” markalı nefti hərraca çıxaracaq.

“Report” “Enkorr” saytına istinadən xəbər verir ki, bu barədə Ukrayna Enerji Birjasının bülletenində qeyd olunub.

Neft “Cənub” dəniz neft terminalının rezervuarlarından təklif olunur.

Təklif olunan həcm 3 Lota bölünəcək. Ticarət differensial rejimdə həyata keçiriləcək. Neftin nəqli öncədən ödənişlə iyulun 12-22-də baş tutacaq.