Yuxarı

​"Türk axını" layihəsi üzrə danışıqlar dondurulub

Səfa Sadıq Aytəkin: Rusiya şərt qoymadan qiymət endirimi tətbiq etsəydi, hazırkı mövqeyimiz daha ümidverici olardı

Bakı. 11 sentyabr. REPORT.AZ/ Rusiyanın Qara dənizin dibi ilə Türkiyə üzərindən Avropaya qaz nəql etməyi planlaşdırdığı "Türk axını" layihəsi üzrə danışıqlar dondurulub. "Report"un "Hürriyet" qəzetinə istinadən verdiyi xəbərə görə, bu barədə Türkiyə Enerji və Təbii Sərvətlər Nazirliyinin katibinin müavini Səfa Sadıq Aytəkin bildirib.

O qeyd edib ki, layihə üzrə danışıqlarda irəliləyiş olmadığından müzakirələr dondurulub: "Rusiya ilə müzakirələr irəliləmir. Bu nöqtədə qarşılıqlı güvənsizlik görürəm. Rusiya tərəfi "BOTAŞ" və "Qazprom" arasındakı qiymət endirimi müzakirələrini "Türk axını" layihəsinin ön şərti olaraq irəli sürüb. Biz də bunu başlanğıc nöqtəsi olaraq düşünürdük. Rusiya tərəfi şərt qoymadan qiymət endirimi tətbiq etsəydi, hazırkı mövqeyimiz daha ümidverici olardı".

"İyun ayındakı keçirilən parlament seçkilərindən sonra Türkiyədə hökumətin qurulması istiqamətində irəliləyiş olmadıqda görüşlər dayandırılıb. Lakin bu, o demək deyil ki, tərəflər bir daha masa arxasına oturmayacaq. Bir düyün var və bu düyünün açılması üçün tərəflərin təkrar bir araya gəlməsinə ehtiyac yaranır", - deyə Nazirlik rəsmisi qeyd edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi