Yuxarı
    Bağlamaq

    TANAP Türkiyədə qrant ayıracaq

    Bu yardımları bələdiyyələr, QHT-lər və digər qeyri-kommersiya qurumları ala bilər

    Bakı. 6 mart. REPORT.AZ/ Trans-Anadolu Boru Kəmərinin (TANAP) tikintisi çərçivəsində Türkiyənin Gümüşhane rayonunda bəzi ərazilərdə layihələrin icrası üçün qrantlar ayrılacaq. “Report” xəbər verir ki, bu yardımlar TANAP-ın Sosial və Ekoloji Sərmayə Proqramları (SEİP) çərçivəsində ayrılır.

    Məlumata görə, qrantlar kəmərin keçəcəyi ərazidə 20-yə qədər müxtəlif layihənin maliyyələşməsinə xidmət edəcək. Bu layihələr arasında yerli əl işlərinin inkişaf etdirilməsi, arıçılıq, xüsusən də Qafqaz arı irqinə məxsus genlərin qorunması, üzvi gübrə istehsalı və satışı, meyvə və tərəvəz şirələrinin istehsalı və s. sahələrlə bağlıdır. 

    Bu yardımları bələdiyyələr, QHT-lər, qeyri-kommersiya kooperativləri, məktəb ailə birlikləri və s. qeyri-kommersiya qurumları əldə edə bilər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi