​TANAP-ın tenderində iştirak edəcək şirkətlər müəyyənləşib

Bakı. 23 iyun. REPORT.AZ/ Trans-Anadolu Qaz Boru Kəməri (TANAP) layihəsinin dənizdən keçən hissəsində fiberoptik kabellərin alınması, çəkilməsi və tikinti işləri üçün elan olunacaq tenderə 6 şirkət dəvət ediləcək. "Report" xəbər verir ki, bununla bağlı TANAP-dan açıqlama verilib.

Açıqlamaya görə, ümumi uzunluğu 1 850 km olan TANAP-ın Mərmərə dənizindən keçəcək hissəsində işlər 2015-ci ildə başlayacaq.

Tenderə çağırılmaq hüququ qazanan şirkətlər "Micoperi S.r.l.", "MRTS-Fernas İnşaat AŞ Joint Venture", "Saipem S.p.A", "Swiber Offshore Construction PTE Ltd.", "TL Offshore Sdn. Bhd. (a Sapura Kencana Petroleum Group Company)" və "Valentine Maritime Ltd. Honeywell AŞ" şirkətləridir.