Yuxarı
    Bağlamaq

    Süheyl əl Məzrui: "OPEC+ formatının uğurlu olduğuna şübhə yoxdur"

    Bakı. 6 dekabr. REPORT.AZ/ "OPEC+ formatının uğurlu olduğuna şübhə yoxdur".

    “Report” xəbər verir ki, bunu Avstriyanın paytaxtı Vyanada Neft İxrac Edən Ölkələr Təşkilatına (OPEC) üzv və kartelə daxil olmayan ölkələrin Nazirlərinin Birgə Monitorinq Komitəsinin XII iclasının açılış mərasimində OPEC prezidenti, Birləşmiş Ərəb Əmirliklərinin enerji naziri Süheyl əl Məzrui deyib.

    “OPEC+ formatının uğurlu olmaqla neft bazarına nikbinlik ovqatı, neft sənayesinin inkişafına əminlik hissi gətirdiyinə şübhə yoxdur”, - deyə qeyd edən təşkilat rəhbəri bununla kifayətlənməyəcəklərini vurğulayıb.

    “2019-cu ildə neftə tələbatın azalma ehtimalı və təklifin artması da daxil olmaqla yeni-yeni çətinliklər görürük. Buna baxmayaraq, bütün OPEC üzvü olan və qeyri-OPEC ölkələrinin bazarda tarazlığa nail olmaq üçün birgə çalışmağa davam edəcəklərinə əminəm”, - Süheyl əl Məzrui bildirib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi