Yuxarı
    Bağlamaq

    SOCAR yeraltı qaz anbarlarının həcminin artırılmasını iki mərhələdə həyata keçirəcək

    Dinlə
    Əvvəlcə daxili imkanlar hesabına qaz anbarlarının həcminin 3,5 mlrd.kubmetrə çatdırılması planlaşdırılır

    Bakı. 25 may. REPORT.AZ/ Azərbaycan Dövlət Neft Şirkətinin (SOCAR) “Azneft” İstehsalat Birliyinin Qaz Anbarlarının İstismarı İdarəsinin “Qalmaz” və “Qaradağ” yeraltı qaz anbarlarının tutumunun artırılaraq 5 mlrd. kubmetrə çatdırılması iki mərhələli formada həyata keçiriləcək.

    “Report” xəbər verir ki, bunu “Azneft” İstehsalat Birliyinin Baş direktoru Daşqın İskəndərov qaz anbarlarının həcminin genişləndirilməsi istiqamətində həyata keçirilən tədbirlərlə tanış olmaq məqsədi ilə “Qalmaz” yeraltı qaz anbarı sahəsində keçirilən texniki müşavirədə bildirib.

    O qeyd edib ki, mövcud yeraltı qaz anbarlarının aktiv qaz həcminin genişləndirilməsi məqsədi ilə “Azneft” İstehsalat Birliyi tərəfindən bir sıra layihələr reallaşdırılıb: “Strateji obyektlərdən sayılan və Azərbaycanın enerji təminatında mühüm rol oynayan yeraltı qaz anbarlarının yenidən qurulması, genişləndirilməsi, qabaqcıl texnologiyaların tətbiqi və qaz anbarının effektivliyinin yüksəldilməsi istiqamətində son illər ərzində böyük işlər görülüb və bu işlər bundan sonra da davam etdiriləcək. “Qalmaz” və “Qaradağ” yeraltı qaz anbarlarının tutumunun artırılaraq 5 mlrd. kubmetrə çatdırılması qarşıya mühüm vəzifə kimi qoyulub. Bu proses iki mərhələli formada həyata keçiriləcək. İlk olaraq daxili imkanlar hesabına qaz anbarlarının həcminin 3,5 mlrd.kubmetrə çatdırılması planlaşdırılır”,- baş direktor vurğulayıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi