Yuxarı
    Bağlamaq

    ​"SOCAR Ukraine" yeni "SOCAR LPG" şirkəti təsis edib

    Mayeləşdirilmiş qazın topdan və pərakəndə satışını həyata keçirmək üçün yeni şirkət qeydiyyatdan keçirilib

    Bakı. 9 avqust. REPORT.AZ/ Azərbaycan Dövlət Neft Şirkətinin (SOCAR) Ukraynadakı törəmə qurumu "SOCAR Energy Ukraine" mayeləşdirilmiş qazın topdan və pərakəndə satışını həyata keçirmək üçün yeni şirkəti qeydiyyatdan keçirib.

    "Report" Ukrayna KİV-inə istinadən xəbər verir ki, "SOCAR LPG" adlı şirkət Çerkasıda qeydiyyatdan keçib.

    Şirkətə Yekaterina Tamrazova rəhbər təyin olunub. O bildirib ki, yeni qurumun yaradılması SOCAR-ın Ukrayna nümayəndəliyinin strukturunda təbii qaz istiqamətinin gücləndirilməsi ilə əlaqədardır.

    Y.Tamrazova avqustun 1-dən vəzifəsini icra edir. Bundan öncə o, "SOCAR Ukraine" şirkətinin strukturunda mayeləşdirilmiş qaz istiqamətinə nəzarət edib.

    Qeyd edək ki, "SOCAR LPG"-nin təsisçiləri rolunda Qalitsk Yanacaq Şirkəti və "SOCAR Ukraine" çıxış edir. Yeni şirkət "Ukrqazdobıça"nın avqustun 4-də keçirdiyi sonuncu hərracda debüt edib. Hərracda SOCAR 42 ton mayeləşdirilmiş qaz alıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi