Yuxarı

​SOCAR Rumıniyaya 50 mln. avro sərmayə yatırmağı planlaşdırır

Yaxın 3-4 il ərzində burada hər il 10 yeni YDM istifadəyə verməyi planlaşdırırıq

Bakı. 26 iyun. REPORT.AZ/ Yaxın 2-3 ildə Azərbaycan Dövlət Neft Şirkəti (SOCAR) Rumıniyadakı yanacaqdoldurma məntəqələrinin (YDM) sayının artırılmasına 50 mln. avro sərmayə yatıra bilər. "Report"un Rumıniya mətbuatına istinadən verdiyi xəbərə görə, bunu SOCAR-ın sərmayələr və marketinq üzrə vitse-prezidentinin müavini Vitali Bəylərbəyov deyib.

SOCAR rəsmisinin sözlərinə görə, bu ilin sonuna qədər 3-4 yeni stansiya istifadəyə veriləcək: "Hazırda SOCAR-ın Rumıniyada 32 yanacaqdoldurma məntəqəsi var. Bu YDM-lərdə təxminən 500 nəfər işlə təmin edilib. İlk planımız yerli bazarda satış həcmini və YDM-lərin sayını artırmaq olacaq. İlin sonuna qədər 3-4 yeni stansiya istifadəyə veriləcək və gələn il daha 10 stansiyanın da istifadəyə verilməsini düşünürük. Yaxın 3-4 il ərzində burada hər il 10 yeni YDM istifadəyə verməyi planlaşdırırıq".

Qeyd edək ki, AGRI layihəsi iştirakçısı olan dövlətlərin iclasında iştirak etmək üçün Vitali Bəylərbəyov Rumıniyada səfərdə olub.

Xatırladaq ki, SOCAR Rumıniya bazarına 2011-ci ilin oktyabrından fəaliyyət göstərir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi